---------------- (maybe)  IN PACE.

Will ye tell her that I lo’ed her,
That sweet lass ayont the sea?
Wull ye say when ye gang home again
How dear she was tae me?
An’ wen the sun is settin’ far
Abune the lock sae fair,
Wull ye give her ma last message
Sin’ I canna see her mair?

A’ the lasses wull be greetin’,
An’ the lads – how sad they’ll be,
When they hear ma bones are restin’
I’ this land, ayont the sea;
But I’d fain exchange their sorrow
An’ their sad tears, every one,
Juist to know ma lass wull miss me
When ye say that I am gone.

Oh, the sun shines bricht in Scotlan’,
An’ the mune, it lingers there,
An’ mony wull come wooin’ o’
Ma Mary, kind an’ fair;
But if dukes should lay their coronets
At my own darlin’s feet,
I lov tae think she’ll think on me,
An’ turn awa’, an greet.

Sae tell her when ye see her
I died a soldier’s death,
Say I told ye that I lo’ed her
Wi’ me vera latest breath;
An’ tak’ this sprig o haither
(A puir sad gift ‘twull be).
An’ say I wore it on ma hairt
E’er sin’ she ga’ it tae me.

There’s anither lass in Scotlan’,
An’ her face is auld an’ sad,
She’s ma mither, lads – lo’ed her too
With all the strength I had,
An’ when ye see her, tell her this,
She’s heard it all before,
I could na love me love the less
For lovin’ her the mair.

                                                VALENTINE.